旅遊攻略—金澤（兼六園）
早兩日我哋介紹過近江町市場同東茶屋街，我發現有好多人對金澤呢個地方都好有興趣，仲問金澤有咩其他景點，所以我地一連兩日又帶大家返去金澤喇。
兼六園位於金澤市中心，係日本著名三大庭園之一。佢個名係黎自中國宋代詩人李格非所寫的洛陽名園記，因為書入面提到庭園係需要兼備（宏大、幽邃、人力、蒼古、水泉、眺望）呢六勝，由於呢個公園有齊呢六個特質，所以就稱之為兼六園。
兼六園仍然保留着江戶時代的特色，以水池，石橋為其特色。入到公園行下大約兩分鐘，係個湖邊有一個兼六園既標誌，就係名為「琴柱燈籠」既石燈籠。湖前面有條石橋，喺呢度影相嘅角度係最靚咖！沿路行，就會見到有好多
水池、曲水、假山和茶屋等，加埋周圍既唐崎松，影出嚟嘅相會好有層次。
兼六園最特別嘅地方，就係你一年四季來，都有唔同嘅景象。春天可以欣賞櫻花，夏天可以欣賞燕子花，而秋天可以欣賞紅葉！絕對係一個一年四季旅遊嘅好地方！
Search